Piramida Reklam

AKİAB komandası bu dəfə partnyorları ilə birlikdə Piramida Reklam ofisini ziyarət edib. Ziyarət zamanı şirkətin fəaliyyəti, təqdim etdiyi xidmətlər və ofisdəki innovativ texnologiyalarla tanış olublar. Piramida Reklam şirkəti, müştəri məmnuniyyəti və yüksək iş keyfiyyətinin rəqabətli bazarda inkişafın “havası” və “suyu” olduğuna inanır. Şirkət olaraq məqsədləri daimi müştərilərini yeniliklərdən mütəmadi məlumatlandırmaq, potensial müştərilərə xidmətlər təklif edərək, hər gün irəliyə doğru addımlamaqdır. Piramida, müştərilərinin bizneslərinə verdiyi töhfə ilə qalıcı bir yer tutmağı, kiçik, orta və böyük bizneslərin “simalarını” dizayn etməyi əsas missiya kimi müəyyən edir. Bu yolla, hər bir müştəri ilə əməkdaşlıq edərək, ölkə miqyasında tanınmağı hədəfləyir.