Azərbaycanda səfərdə olan Ünye Ticarət və Sənaye Palatasının rəhbərlik etdiyi iş adamları üçün “Bakı KOB evi”ndə təqdimat təşkil olunub. AKİAB-ın da iştirak etdiyi təqdimatda KOBİA-nın fəaliyyətinə, KOB-lara göstərilən dəstək və xidmətlərə, o cümlədən Agentliyin yerli və xarici iş adamlarının əlaqələndirilməsi, sahibkarların birgə təşəbbüslərinin reallaşdırılmasına dəstəyi barədə məlumat verilib. Tədbir çərçivəsində həmçinin, Azərbaycan və Türkiyə iş adamları arasında ikitərəfli görüşlər keçirilib, əməkdaşlıq imkanları müzakirə edilib.